Sabagai urang minang, pastilah harus tau a nan dikecekan taratik. Jikok indak tau, tu diraguan kalau urang tu bana-bana urang minang.
Cibo wak caliak di jaman kini ko. Urang kini lah banyak nan babuek sa suko hati nyo. Jikok dikecek an ndak bataratik, nyo berang. Tapi kalau dikecek an bataratik, parangai nyo tu mancari gaduah taruih.
Ambo binguang mancaliak urang kini ko. Kadang ambo juo maraso heran, sia nan salah sabana nyo.
Kok dikecekan nan mudo-mudo kini nan salah, tu nyo berang, baa kok kami nan di pasalahkan, padohal nan tuo masih banyak nan balaku mode tu, indak sasuai jo adat jo agamo.
Kok ditanyo lo ka nan tuo, inyo mangecek, kan lah ambo kecek an ka nan mudo-mudo tu kalau itu salah tapi nan mudo tu indak mau tau.
Ntahlah…ambo binguang…
Nan jaleh dijaman kini ko, kito samo-samo manjago sanak kito surang-surang se lah lai. Kalau susah bana, keluarga kito se nan di atur lai, tapi kalau ndak juo doh, tu pandai-pandai se lah jo diri surang. Sabab jikok maatur urang salah, tu tapaso maatur diri surang se lai. Kalau diri surang lah susah maaturnyo, tu yo lah barabe bana mah. Paralu di patanyoan tu.
