Ambo ado carito mungkin ko lah carito lamo..
tapi manurut ambo, ko musti diperbincangkan dan diluruskan baliak… Very Happy
Caritonyo mode ko:
Suatu katiko ado bujang jo gadih bapacaran, lah jalan babarapo minggu, nan gadih ko iseng-iseng batanyo ka pacarnyo…
“Da, apo suku uda da?”, kecek si gadih ko…
“Baa tu?, Baa kok itu nan batanyoan??, mangnyo penting yo..??”baleh nan bujang ko..
“Ndak penting do, tapi sabuik an c lah..!”, dasak si gadih..
dek lamak bacarito, yo lah nan bujang ko manyabuik an sukunyo ka nan gadih ko..
partamo nyo jawek,”Suku uda Joker, jadi jan cameh lo adiak kalau suku kito ka samo..”
tu nan gadih ko taruih mandasak,”capeklah da..jan bagarah juo..”
“yo lah..suku uda jambak..!!”, kecek nan bujang ko…
mandanga mode tu, langsuang diam nan gadih ko. “Serius lah da..jan bagarah juo..???”.
nan bujang tadi langsung mangarati dan batanyo, “baa tu?? samo yo suku wak…?, ndak baa gai tu doh, wak kan bajauahan mah..uda di pariaman, tu adiak di bukik, kan jauah tu..!!jalani c lah dulu…”
mandanga mode tu, yo lah agak tanang hati nan gadih ko..
“yo lah da, bia sabana nyo ndak mungin tapi baa lai, cinto lah tatanam…”
hari baganti, nan carito tu ndak do di ungkit-ungkit doh…
pada suatu katiko, ado sepupu nan gadih ko tau samo carito ko..tu bacarito lah inyo ka eteknyo…
“tek, tau ndak etek, uni bapacaran samo urang sasuku..??lai ndak baa tu tek..??”tanyo nyo…
mandang mode tu, langsuang merah muko eteknyo ko, langsuang berang ka nan gadih tadi ko…sagalo macam carito nyo sabuik, sampai ndak talok mangecek nan gadih ko doh..
tu pado akhirnyo, nan gadih ko bacarito ka nan bujang pacar nyo ko..
“da, baa lai tu da? etek lah tau kalau awak sasuku…!!ndak talok di awak mandanga e doh da..tapi wak ndak lo talok bapisah samo uda do..wak sayang bana ka uda…”
mandanga mode carito tu, langsung takajuik nan bujang ko..
“kok bisa..???”
tu nyo diam sabanta.
“tapi kalau manurut uda, hal tu sabana nyo ndak paralu di persoalkan do..!!”
“iyo da..”
“tapi wak ndak tahan mandanga etek tu mangecek do…”jawek nan gadih ko…
“tu baa kini lai??”tanyo nan bujang ko.
“ndak tau wak doh da..”kecek nan gadih ko..
suasana langsuang barubah…tu tibo-tibo mangecek lah nan bujang ko..
“diak, uda sabana nyo sayang bana ka adiak, uda ndak nio adiak disakiti oleh sia pun juo..tapi kok ba adokan samo hal nan mode ko, yo ndak tabayang di uda do..uda ndak bisa mamasoan diri do diak, beko malang kabadan diri kito..
kini, mode ko c lah diak, samo-samo malupoan c wak lai baa..?? walaupun sabanyo uda susah malupoannyo..dan uda juo tau kalau adiak juo susah maluapoan hubungan kito”
“yo lah da, wak pasrah c nyo..tapi wak baharok mudah-mudahan lain waktu wak bisa basobok baliak..samo carito nan babeda pulo..!!”jawek nan gadih tu.
“tapi buliah ndak adiak minta sesuatu ka uda..??sambungnyo.
“a tu diak..??”jawek nan bujang ko.
“wak ndak bisa malupoan uda do, tu kalau manurut awak, jalan satu-satunyo, ndak usah c wak batamu-tamu lai baa da..?uda hapuih sagalo nomor yang berkaitan samo awak di hp uda dan wak hapuih lo yang ado di hp awak..kok wak sms uda, jan uda baleh..”kecek nan gadih tu..
“baa kok sampai mode tu bana diak??”tanyo nan bujang ko..
“yo, cuma mode tu caronyo supao wak bisa malupoan uda nyo…”jaleh nan gadih tu.
“yo lah diak, kalau itu pinta adiak, uda ndak bisa manolah do, lagian itu kan demi kito juo..”jawek nan bujang tadi.
yo lah sepakat urang baduo tu untuk saliang ndak mahubungi lai..
dunsanak ka sadonyo..
baa manurut dunsanak tu?? kiro-kiro pacaran sasuku baa manurut pandapek dunsanak?satuju atau indak?
tu baa manurut dunsanak keputusan nan nyo ambik tu??
[carito ko fiktif belaka, kalau ado kesamaan daerah atau sagalo macamnyo, mungkin tu hanyo kebetulan..tapi ambo yakin carito nan mode ko ado tajadi di tanga-tangah masarakat kito..]
